مهرجان لـ”البوس” في جامعة القاهرة: “سيبك من قيود المجتمع المتخلف”!

دشن عدد من رواد موقع التواصل الاجتماعي “فيس بوك”، السبت، دعوة أطلقوا عليها اسم “مهرجان البوس”، وذلك يوم رأس السنة الميلادية الخميس 31 ديسمبر بجامعة القاهرة بساحة كلية التجارة.
وقالت الدعوة: “سيبك من قيود المجتمع المتخلف، من دلوقتي هنعمل كل حاجة إحنا شايفنها صح وبندعي كل اتنين مرتبطين أو مخطوبين عشان يعبروا عن حبهم لبعض سواء من خلال هدية أو أقل حاجة ممكن تتعمل للإنسان اللي بنحبه وهي البوسة على خده”.
وتابع: “اللي جاي معانا يعمل جوينج للإيفنت غير كدة ملوش دعوة بينا، ومحدش هيقدر يمنعنا، أحنا هنرفع شعار انهي 2015 ببوسة لأغلى حد عندك، حتى لو من بعيد هننهي السنة ببوسة لبعض، للتعبير عن الحب لأقرب وأعز الناس علينا واللي مش عاجبة يخبط دماغة في الحيط، هنستناكوا يوم 31 ديسمبر الساعة 3 العصر بساحة كلية التجارة بالجامعة، وسيبك من التفكير الرجعي وأصحابه”.