جريدة الحقيقة الإلكترونية
على ذكر الرجال اللي من الطيبه لها عنوان
وعلى ذكر الرجال اللي تنومسنا طواريها
لفيت اكتب حروف المدح واحيي ليلة القيفان
على مدحك يابو عبدالرحمن ارتبها واغنيها
لفيت بداخلي مدحي ودعاني للشعر انسان
عجزنا نوفي بدينه وذمتنا نبريها
دروب المرجله قالت انا وانته غدينا اهل
ونسبة مثلك من الناس والله نفتخر فيها
تكفينا مسيرتكم غدت للمرجله عنوان
مسيرة شيخ نكتبها بحاضرها وماضيها
وانا ماقولها باسمي بإسم اولاد مردان
سباع الكون ولاثارت علينا مانخليها
وهذا اسمنا في دفتر التاريخ من ازمااان
رجال وحاجتن نبغي نسويها نسويها
ويكفيني يابو عبدالرحمن نسبنا مع العصمان
بني فياض وياويله بني ادم ان طمع فيها
سفينتنا لها ياسيدي طبع الكرم ربااان
وعلى بحر الشهامه واضحه داخل شواطيها
رسمنا للفخر صوره وسيرتنا مطر هتان
تجف الارض ونسبنا طول العمر نرويها
وانا ماقول غير يرحمك الله يا بو عبدالرحمن
ودروب المرجله تبقى ورث منك تسايارنا خطاويها
قصيده جيت ابكتبها لها حصر الغلا عنوان
على ذكرك يابو عبدالرحمن ارتبها واغنيها
بقلم رئيس المحليات
سعد راضي الشمري
