جريدة الحقيقة الإلكترونية
الرياضة عالم جميل جدا فيها الشهرة وحب الناس وأيضا فيها خردة زينة بس مو حق اللاعبين !
بل لأصحاب الدشاديش هم اللي يبين عليهم العز والكشخة وصور السفرات الحلوة في الانستغرام .
أما اللاعب مغلوب على أمره ضايع وماله حقوق بسبب أصحاب الدشاديش ومصالحهم وهذا واقع لأن اللاعب الموظف أو الطالب بالع موس وساكت لأن إذا طالب بأبسط حقوقه أقل شيء يقعد عالمدرج مع خصم أو حرمانه من راتب الاحتراف الجزئي اللي تحول إلى جزائي ..
للأسف الرياضة تمشي للخلف من سنوات وبسبب وجود بعض الاداريين اللي عاجبهم الوضع والكرسي لازقين فيه لزقه ..
واللاعب يعاني من سنوات محد راضي يسمع صوته
حتى إذا تعور محد يدري عنه في أغلب الأندية !
وكل يوم نسمع عن لاعب يدور أحد يعالجه …
أعتقد الحل بسيط تتحول الأندية إلى شركات خاصة
ونشوف أصحاب الدشاديش على المدرجات ونفتك منهم ….
لأن السالفة راح تصير مو تسجل جم واحد من ربعك في الجمعية العمومية …. وتقعد على قلبنا ..
ماجد احمد الجاسم
